آبنائے ہرمز میں جہاز پر نامعلوم پروجیکٹائل کا حملہ

آبنائے ہرمز میں ایک جہاز پر نامعلوم پروجیکٹائل سے حملہ ہوا ہے۔

میری ٹائم سیکیورٹی ذرائع کے مطابق واقعے کے بعد ایک ملاح لاپتہ ہو گیا، جہاز آبنائے ہرمز سے گزرتے ہوئے عمان کے ساحل کے قریب حملے کا نشانہ بنا۔

میری ٹائم سیکیورٹی ذرائع کا کہنا ہے کہ لائبیریا کے پرچم بردار جہاز کے ایک حصے میں آگ لگی۔

جہاز کے عملے نے آگ بجھانے کی کوشش بھی کی۔

دوسری جانب ایرانی وزارتِ خارجہ نے تصدیق کی ہے کہ ایران اور عمان آبنائے ہرمز سے متعلق نئے بحری راستے پر معاہدے کے قریب ہیں۔

ترجمان ایرانی وزارتِ خارجہ اسماعیل بقائی نے کہا ہے کہ عمان کے ساتھ مذاکرات میں پیش رفت ہوئی ہے، آبنائے ہرمز کے لیے عارضی محفوظ راستے پر عمان کے ساتھ کام جاری ہے۔