آج نویں جماعت کا انگریزی کا پرچہ بھی آؤٹ

کراچی میں ثانوی میٹرک بورڈ کے تحت نویں اور دسویں کے امتحانات جاری ہیں۔

شفاف امتحانات کے حوالے سے میٹرک بورڈ انتظامیہ کے دعوے دھرے کے دھرے رہ گئے۔

کراچی میں نویں جماعت کا انگریزی کا پرچہ آج امتحان سے آدھا گھنٹہ قبل آؤٹ ہو گیا۔

نویں جماعت کا انگلش کا پرچہ جوابات سمیت سوشل میڈیا پر وائرل ہو گیا۔

دوسری جانب میٹرک بورڈ کے حکام کا کہنا ہے کہ امتحانی مراکز کے اطراف دفعہ 144 نافذ ہے۔

یاد رہے کہ اس سے قبل فزکس، حیاتیات اور انگریزی کے پرچے بھی آدھا گھنٹہ قبل آؤٹ ہو گئے تھے۔

واضح رہے کہ کراچی میں ثانوی میٹرک بورڈ کے تحت نویں اور دسویں کے امتحانات کا آغاز 10 اپریل سے ہوا ہے۔