مسلم لیگ ضیاء کے سربراہ اعجاز الحق نے کہا ہے کہ چاہنے والے آج بھی سوال کرتے ہیں کہ جنرل ضیا کے قاتلوں کا پتہ لگا یا نہیں؟
راولپنڈی میں اپنے بھائی انوار الحق کے ہمراہ نیوز کانفرنس سے خطاب کرتے ہوئے اعجاز الحق نے کہا کہ سانحہ بہاولپور کی رپورٹ میں بتایا گیا تھا کہ یہ حادثہ نہیں سازش تھی، سانحہ بہاولپور پر جوڈیشل سمیت 3 کمیشن بنائے گئے۔
انھوں نے کہا کہ حکومت سے درخواست کرتے ہیں کہ یہ رپورٹس سامنے لائی جائیں، سیاسی استحکام کے لیے سر جوڑ کر بیٹھنا پڑے گا۔
اعجاز الحق نے کہا کہ ان کی اپنی غلطی ہے کہ وہ اسمبلی اور کمیٹیاں چھوڑ کر چلے گئے، جہاں آپ خلا چھوڑیں گے وہ کسی نہ کسی کو تو پُر کرنا ہے۔