ایرانی وزیرِ خارجہ عباس عراقچی نے فیلڈ مارشل سید عاصم منیر سے ملاقات کی ہے۔
ایرانی سفارتخانے کے مطابق ایرانی وزیرِ خارجہ عباس عراقچی نے پہلی باضابطہ ملاقات فیلڈ مارشل عاصم منیر سے کی۔
اس ملاقات میں وفاقی وزیرِ داخلہ محسن نقوی اور قومی سلامتی کے مشیر جنرل عاصم ملک بھی شریک تھے۔
ایران کے نائب وزیرِ خارجہ غریب آبادی اور اسلام آباد میں ایران کے سفیر امیری مقدم بھی ملاقات میں شریک ہوئے۔
اس سے قبل ایرانی وفد کی آمد پر فیلڈ مارشل اور نائب وزیرِ اعظم نے ان کا استقبال کیا۔
سفارتی ذرائع کے مطابق ایرانی وزیرِ خارجہ عباس عراقچی آج وزیرِ اعظم شہباز شریف سے بھی ملاقات کریں گے۔
ایرانی وزیرِ خارجہ عباس عراقچی پہلے نائب وزیرِ اعظم اسحاق ڈار سے ملاقات کریں گے۔
سفارتی ذرائع کا کہنا ہے کہ ایرانی وزیرِ خارجہ اسحاق ڈار سے ملاقات کے بعد ان کے ہمراہ وزیرِ اعظم شہباز شریف سے ملاقات کریں گے۔
واضح رہے کہ ایران اور امریکا کے درمیان مذاکرات کی بحالی کی امیدیں پیدا ہوئی ہیں۔
ایرانی وزیرِ خارجہ عباس عراقچی نئی تجاویز کے ساتھ آمد پاکستان پہنچے ہیں جبکہ وائٹ ہاؤس کا کہنا ہے کہ امریکا کے خصوصی مشیر وٹکوف اور کشنر امریکی وقت کے مطابق ہفتے کی صبح پاکستان کے لیے روانہ ہوں گے۔
