امریکی ماہرین نے سرجری کے بغیر دماغ کے اندر نیورونز کی سرگرمی پر کام کرنے کا طریقہ دریافت کر لیا۔
امریکی جریدے کے مطابق ایرانی نژاد امریکی نیورو سرجن علی رضائی کی قیادت میں ماہرین نے دماغ کے گہرے حصوں کو بغیر سرجری کے الٹراساؤنڈ کے ذریعے متحرک کرنے کے کامیاب تجربات کیے ہیں۔
ماہرین کا کہنا ہے کہ اس طریقہ کار میں کھوپڑی میں سوراخ کیے بغیر مخصوص الٹراساؤنڈ لہروں سے دماغ کے مطلوبہ حصے میں نیورونز کی سرگرمی کو تبدیل کیا جا سکتا ہے۔
امریکی ماہرین اب تک 47 افراد میں نشے کی لت سمیت دیگر نفسیاتی عوارض کے علاج میں اس طریقے کو استعمال کر چکے ہیں، اس طریقۂ علاج پر مزید تحقیق جاری ہے۔