ملیر سے ملی بوریوں میں بند ٹکڑے ہوئی لاش کس کی ہے؟ شناخت نہ ہو سکی

کراچی کے علاقے ملیر سے بوریوں میں بند ٹکڑوں میں ملنے والی لاش کی شناخت نہیں ہو سکی۔

پولیس کے مطابق ملیر سے 11 اگست کو ٹکڑوں میں لاش ملی تھی جس کی انگلیاں کٹی ہوئی اور غائب ہیں، لاش کے اطراف بھی کچھ ایسا نہیں ملا جس سے اس کی شناخت ہو سکے۔

پولیس کا کہنا ہے کہ چہرے کے ذریعے شناخت کے لیے نادرا کو خط لکھا ہے، لاش کی ناک بھی کٹی ہونے کے باعث نادرا کو بھی شناخت میں مشکلات ہوئیں۔

لاش ملے 5 دن گزر گئے تاحال ورثاء بھی سامنے نہیں آئے۔

پولیس کے مطابق 7 دن میں اگر ورثاء سامنے نہیں آئے تو لاش کی تدفین کر دی جائے گی۔