برطانیہ کے شہر لوٹن سے تعلق رکھنے والی باصلاحیت طالبہ نوال قاضی نے اے لیول میں شاندار کامیابی حاصل کرتے ہوئے چار A گریڈز حاصل کرلیے۔
اس کے بعد انہیں دنیا کی ممتاز درسگاہ یونیورسٹی آف آکسفورڈ کے معروف وادھم کالج میں قانون کی تعلیم حاصل کرنے کی پیشکش ہوئی ہے۔
طالبہ نوال قاضی سراج قاضی کی صاحبزادی اور معروف شخصیت علامہ قاضی عبدالعزیز چشتی ایم بی ای کی پوتی ہیں۔ انہوں نے بیڈفورڈ گرلز اسکول سے تعلیم حاصل کی۔
اے لیول کے امتحانات میں نوال نے ہسٹری، انگلش لٹریچر اور کیمسٹری میں A گریڈ حاصل کیا جبکہ ایکسٹینڈڈ پراجیکٹ کوالیفکیشن میں بھی A حاصل کر کے غیر معمولی کامیابی اپنے نام کی۔