میر رضا کی رائیڈ کا ریکارڈ کمپنی میں موجود ہے، ٹیکسی ڈرائیور کی گفتگو

کراچی کے نوجوان تاجر میر رضا کو گھر سے گلستان جوہر لے جانے والے آن لائن ٹیکسی ڈرائیور احسان اللہ نے کہا کہ میر رضا کی رائیڈ 3 بج کر 57 منٹ پر موصول ہوئی تھی۔ 

کراچی میں میڈیا سے گفتگو کرتے ہوئے ٹیکسی ڈرائیور احسان اللہ نے کہا کہ 4 بج کر 6 منٹ پر میر رضا کی لوکیشن پرتھا۔ 

احسان اللہ نے بتایا کہ میر رضا کے بتائے ہوئے راستے پر گاڑی چلانا شروع کی اور ہم طارق روڈ، بہادر آباد، اسٹیڈیم روڈ، ڈالمیا اور پھر گلستان جوہر پہنچے۔ 

آن لائن ٹیکسی ڈرائیور کے مطابق میر رضا کی رائیڈ کا ریکارڈ کمپنی میں بھی موجود ہے۔