پاکستان، سعودی عرب اور ترکیہ کے درمیان ہونے والے مکہ دفاعی معاہدے پر اسرائیل پریشان ہوگیا۔
اسرائیلی وزیر برائے امور تارکین وطن نے 3 اسلامی ممالک کے درمیان ہونے والے دفاعی معاہدے کو اسرائیل کےلیے برُا قرار دے دیا۔
انہوں نے کہا کہ مکہ معاہدہ بہت خطرناک اور پریشان کُن پیشرفت ہے، سعودی عرب کے ساتھ پاکستان کا پہلے سے دفاعی معاہدہ ہے۔
اسرائیلی وزیر نے مزید کہا کہ اب اس میں ترکیہ بھی شامل ہو گیا ہے، جس کے ہمارے براہ راست اختلافات ہیں، یہ معاہدہ اسرائیل کے لیے انتہائی سنگین نتائج کا باعث بن سکتا ہے۔