پاکستان کا مالی سال 26-2025ء میں امریکا کے ساتھ تجارتی سرپلس 2 ارب 59 کروڑ ڈالر رہا ہے۔
ذرائع کے مطابق پاکستان کے تجارتی سرپلس نے امریکا کو بڑے تجارتی خسارے سے دوچار کردیا ہے۔ پاکستان کےلیے امریکا سب سے بڑا برآمدی ملک اور تجارتی توازن پاکستان کے حق میں ہے۔
حکومتی ذرائع کے مطابق پاکستان کی مالی سال میں امریکا کے لیے برآمدات 5 ارب 91 کروڑ ڈالرز اور درآمدات 3 ارب 32 کروڑ ڈالرز رہیں۔
ذرائع کے مطابق پاکستان کا امریکا کے ساتھ مجموعی تجارتی سرپلس 5 سال میں 17 ارب ڈالرز سے تجاویز کرگیا۔
گزشتہ 5 سال میں پاکستان کی مجموعی برآمدات 29 ارب 15 کروڑ ڈالرز اور اس دوران امریکا سے مجموعی پاکستانی درآمدات 12 ارب12 کروڑ ڈالرز رہیں۔