ایران کے سپریم لیڈر مجتبیٰ خامنہ ای کی ایک نئی ویڈیو منظرِ عام پر آگئی۔
ایرانی خبر ایجنسی نے مجتبیٰ خامنہ ای کی ویڈیو ریکارڈنگ کا مقام اور وقت نہیں بتایا ہے۔
خبر ایجنسی کے مطابق ویڈیو میں موجود دیگر لوگوں کی تفصیلات بھی نہیں بتائی گئی ہیں۔
مجتبیٰ خامنہ ای کی ویڈیو ایرانی خبر ایجنسی نے جاری کی ہے جس میں وہ صحت مند حالت میں نظر آ رہے ہیں۔
ویڈیو میں مجتبیٰ خامنہ ای کئی افراد کے ساتھ بیٹھے بات چیت کرتے نظر آرہے ہیں۔
دوسری جانب ایران کے وزیر خارجہ عباس عراقچی نے کہا ہے کہ ایران تمام تر دباؤ کے باوجود مزاحمت کے لیے پوری طرح تیار ہے۔
اپنے ایک بیان میں عباس عراقچی نے کہا کہ ہم اپنے شہداء کے خون ناحق کو بھولنے یا نظرانداز نہیں ہونے دیں گے، ہمارے عظیم شہداء کا خون بہانے والوں کو معاف نہیں کیا جائے گا۔