امریکی سینٹرل کمانڈ (سینٹ کام) نے پہلی مرتبہ کثیرالجہتی اور کثیر ملکی حملہ آور ڈرون ٹاسک فورس کے قیام کا اعلان کر دیا ہے۔
سینٹرل کمانڈ نے ایک بیان میں کہا کہ اس ٹاسک فورس کا نام ٹاسک فورس فالکن اسٹرائیک رکھا گیا ہے۔
ان کا کہنا ہے کہ یہ یونٹ ایسے یکطرفہ حملہ آور ڈرونز تعینات کرے گا جو سمندر کے اوپر، سطح پر اور زیرِ آب آپریٹ کریں گے، ان ڈرونز کو امریکا اور خطے کے شراکت دار ممالک کے فوجی اہلکار چلائیں گے۔
یہ اعلان سینٹرل کمانڈ کی جانب سے ٹاسک فورس اسکارپین اسٹرائیک کے قیام کے 9 ماہ بعد سامنے آیا ہے، جو مشرق وسطیٰ میں امریکی فوج کا یکطرفہ حملہ آور ڈرونز کے لیے قائم کیا گیا پہلا خصوصی اسکواڈرن تھا۔
سینٹرل کمانڈ کے کمانڈر ایڈمرل بریڈ کوپر نے کہا کہ ہمارے علاقائی اتحادیوں اور شراکت داروں کے درمیان بڑے پیمانے پر جدت کے پیشِ نظر ٹاسک فورس فالکن اسٹرائیک، اسکارپین اسٹرائیک کی کامیابی کو آگے بڑھائے گی۔
انہوں نے مزید کہا کہ اپنی نئی صلاحیتوں کو ایک دوسرے کے ساتھ مربوط کر کے انہیں بروئے کار لا کر نئے امکانات کو تیزی سے حقیقت میں ڈھالنے میں مدد ملے گی۔
