1
ایران نے اپنی فضائی حدود اور 6 ایئر پورٹس جزوی طور پر دوبارہ کھول دیے ہیں۔
ایرانی میڈیا رپورٹس کے مطابق ایرانی ایئر لائنز ایسوسی ایشن کا کہنا ہے کہ مقامی وقت کے مطابق صبح 7 بجے سے ایران نے اپنی فضائی حدود اور متعدد ایئرپورٹس کو دوبارہ کھول دیا ہے۔
ایرانی ایئر لائنز ایسوسی ایشن کے مطابق دوبارہ فعال کیے جانے والے ہوائی اڈوں میں تہران کے امام خمینی انٹرنیشنل ایئرپورٹ اور مہرباد انٹرنیشنل ایئرپورٹ کے علاوہ مشہد، بیرجند، گرگان اور زاہدان کے ہوائی اڈے شامل ہیں۔
ایسوسی ایشن کے سیکریٹری کے حوالے سے ایرانی خبر رساں ادارے تسنیم نے رپورٹ کیا ہے کہ ایئر لائنز اندرونِ ملک اور بین الاقوامی پروازوں کی بحالی کی تیاری کر رہی ہیں۔
