پاکستان کرکٹ بورڈ (پی سی بی) نے دورہ انگلینڈ کے دوران پاکستان ٹیسٹ ٹیم سے 7 کھلاڑیوں کو ریلیز کردیا۔
ہیڈ کوچ سرفراز احمد اور بولنگ کوچ عمر گل کو بھی ریلیز کر دیا گیا ہے۔
کرکٹ بورڈ نے ایک بیان میں کہا کہ ان کھلاڑیوں میں محمد رضوان، امام الحق، سلمان علی آغا، عامر جمال، علی عثمان، اویس ظفر اور خرم شہزاد شامل ہیں۔
خیال رہے کہ دورہ انگلینڈ کے دوران قومی ٹیم کو اپنے ابتدائی دو ٹیسٹ میچز میں ناکامی کا سامنا کرنا پڑا ہے جبکہ سیریز کا ایک ٹیسٹ ابھی باقی ہے۔
سات متبادل کھلاڑیوں کو اسکواڈ میں شامل کر لیا گیا ہے، سات کھلاڑیوں میں پانچ کھلاڑیوں کو ابھی ٹیسٹ کیپ نہیں ملی جبکہ دو کھلاڑی ٹیسٹ کھیل چکے ہیں
متبادل کھلاڑیوں میں عرفات منہاس، محمد عمران جونیئر، سعد بیگ، محمد عمران رندھاوا اور رضا اللہ شامل ہیں، جو تیسرے ٹیسٹ سے پہلے انگلینڈ میں اسکواڈ کو جوائن کریں گے۔
وائٹ بال ہیڈ کوچ مائیک ہیسن اور ایشلے نوفکے سپورٹ اسٹاف میں شامل کرلیے گئے۔