مصنوعی ذہانت کی دوڑ میں ممالک کو فریق بنانے کی امریکا کی ممکنہ تیاری پر چین نے ردعمل کا اظہار کیا ہے۔
اس حوالے سے چینی وزارت خارجہ نے کہا ہے کہ چین مصنوعی ذہانت کے معاملے پر بلاک بندی اور فریق بندی کی مخالفت کرتا ہے، تمام ممالک کی ڈیجیٹل خودمختاری کا احترام کیا جانا چاہیے۔
ترجمان چینی وزارت خارجہ نے کہا کہ ہر ملک کو اپنی قومی ضروریات کے مطابق شراکت دار منتخب کرنے کا حق حاصل ہے، مصنوعی ذہانت پوری انسانیت کا مشترکہ اثاثہ ہے، اس شعبے میں عالمی تعاون ضروری ہے۔
خبر ایجنسی کے مطابق امریکا کئی ممالک کو امریکی اے آئی اتحاد سے خارج کرنے کی وارننگ دینے کی تیاری کر رہا ہے۔ امریکی مسودے کےمطابق چینی اے آئی اتحاد والے ممالک کو امریکی اتحاد سے خارج کیا جاسکتا ہے۔