پیپلز پارٹی کی سینیٹر پلوشہ خان نے کہا ہے کہ کشمیر میں میچ فکس کرکے جیتنے والے ہمیں عوامی مینڈیٹ کا درس نہ دیں۔
ایک بیان میں پلوشہ خان نے الزام لگایا کہ کشمیر میں بار بار ری پولنگ کروا کر دھاندلی کرنے کی کوشش کی گئی۔
انہوں نے مزید کہا کہ ہم نے ثبوت کے ساتھ شکایات جمع کروائی ہیں، کشمیر میں مسلم لیگ ن کے جیتے ہوئے لوگ اپنے ہی حلقوں میں نہیں جاسکتے۔
پی پی سینیٹر نے یہ بھی کہا کہ لاہور پورا پنجاب نہیں ہے، لاہور سے باہر نکلیں تو زمینی حقائق کا اندازہ ہوگا۔ پنجاب کے عوام سی سی ڈی کے خوف سے ڈرے ہوئے ہیں۔
اُن کا کہنا تھا کہ کشمیر کو سی سی ڈی کے حوالے نہیں ہونے دیں گے۔