کراچی کے مختلف علاقوں میں ہوائی فائرنگ سے خاتون جاں بحق، 61 افراد زخمی

کراچی کے مختلف علاقوں میں ہوائی فائرنگ کے واقعات ہوئے، گولی لگنے سے ایک خاتون جاں بحق ہوگئی جبکہ 61 افراد زخمی ہوئے۔

نامعلوم سمت سے آئی گولی لگنے سے زخمی ہونے والوں میں خواتین اور بچے بھی شامل ہیں۔

طبی امداد کے لیے جناح اسپتال، سول اسپتال اور عباسی شہید اسپتال منتقل کیا گیا۔

گلشن اقبال سے ہوائی فائرنگ میں ملوث سیکیورٹی گارڈ اسلحہ سمیت گرفتار کرلیا گیا۔

پولیس کے مطابق اورنگی ٹاؤن، حیدری، بلال کالونی، لیاقت آباد، نیوکراچی، تیموریہ، عزیز آباد، جوہر آباد، گلبہار، اجمیر نگری، سمن آباد، رضویہ سوسائٹی اور سرسید تھانوں کی حدود سے بھی گرفتاریاں عمل میں لائی گئیں۔