سوشل میڈیا پر خود کو نوعمر لڑکا ظاہر کر کے 13سالہ طالبہ کو ٹریپ کرکے جنسی زیادتی کا نشانہ بنانے والے افغان پناہ گزین کو تقریباً 10سال قید کی سزا سنا دی گئی۔
برطانوی ذرائع ابلاغ کی رپورٹ کے مطابق پناہ کے متلاشی 27 سالہ مجرم عبدالحنان جس کا تعلق ناٹنگھم سے ہے، نے اسنیپ چیٹ پر 14سالہ لڑکے کا روپ دھار کر اسکول کی 13سالہ طالبہ سے تعلق قائم کیا‘ اور بعد ازاں اسے جنگل میں ٹرام پر لے جانے سے قبل دومرتبہ ہوس کا نشانہ بنایا۔
متاثرہ طالبہ واقعہ کے بعد بھاگ نکلی اور اپنے والد کو پیش آنیوالے واقعہ سے آگاہ کیا جس نے پولیس کو طلب کرلیا۔
عبدالحنان کی گرفتاری اور فرانزک ٹیسٹ کے بعد زیادتی کی تصدیق ہوئی۔ ناٹنگھم کراؤن کورٹ معاملے کی سنوائی مکمل کرتے ہوئے سزا سنا دی۔
وہ 2015 میں افغانستان سے ایک لاری کے ذریعے برطانیہ میں داخل ہوا تھا۔