وفاقی وزیر احسن اقبال نے کہا ہے کہ پاکستان، سعودی عرب اور ترکیہ کے معاہدے نے دشمن کی نیندیں اڑا دی ہیں۔
شکر گڑھ میں جلسے سے خطاب میں انہوں نے کہا کہ پاکستان میں سازش کے تحت حالات کو خراب کیا جارہا ہے۔
ان کا کہنا تھا کہ ایک طرف دہشت گردی کا شور، دوسری طرف لانگ مارچ، یہ کس کا ایجنڈا ہے؟
انہوں نے کہا کہ جماعتیں ایسے وقت میں ہنگامے اور دھرنے دے کر کس کا ایجنڈا پورا کر رہی ہیں۔
وفاقی وزیر کا مزید کہنا تھا کہ ملک میں فساد پھیلانا پاکستان نہیں بلکہ ہندوستان کے مفاد میں ہے۔