امریکی شہر واشنگٹن میں گاڑی میں سوار ملزم کو حراست میں لینے کے لیے پولیس نے کتے کی مدد لے لی۔
امریکی میڈیا کے مطابق پولیس گاڑی میں سوار ملزم کی گرفتاری کے لیے 40 منٹ تک کوشش کرتی رہی، اس دوران کئی طریقوں کا استعمال کیا گیا تاہم ملزم ہاتھ نہ آیا۔
بعد ازاں پولیس نے کتے کو ملزم کی گاڑی کی طرف چھوڑ دیا جو کود کر گاڑی کی کھڑکی سے اندر داخل ہو گیا اور ملزم کو جھپٹ لیا۔
امریکی میڈیا کے مطابق برینڈن ویلز نامی ملزم کے خلاف پولیس سے بچ نکلنے کی کوشش، نشے کی حالت میں گاڑی چلانے اور گرفتاری کے خلاف مزاحمت کرنے کے الزامات کے تحت مقدمہ درج کیا گیا ہے۔
پولیس کے مطابق ابتدائی طور پر ملزم کی غلط انداز میں ڈرائیونگ کرنے کی متعدد شکایات موصول ہونے پر کارروائی کا آغاز کیا گیا تھا۔