وزیراعظم شہباز شریف سے چین کے سفیر جیانگ زی ڈونگ نے ملاقات کی ہے، اس دوران چینی سفیر نے وزیراعظم کو چین کے صدر شی جن پنگ کا خط پیش کیا۔
خط میں کمیونسٹ پارٹی آف چائنا کے قیام کی سالگرہ پر شہباز شریف کے خط پر اظہارِ تشکر کیا گیا۔
وزیراعظم شہباز شریف نے چین کے ساتھ آل ویدراسٹریٹیجک شراکت داری مستحکم کرنے کے عزم کا اعادہ کیا۔
ملاقات میں باہمی تعاون اور باہمی دلچسپی کے علاقائی امور پر بھی تبادلہ خیال کیا گیا۔ وزیراعظم نے عوامی سطح پر رابطوں، سیاسی جماعتوں اور پارلیمانوں کے درمیان تبادلوں پر بھی زور دیا۔