حماس کا کہنا ہے کہ غزہ پر اسرائیلی حملوں کا مقصد جنگ بندی معاہدے کو ناکام بنانا ہے۔
حماس کے مطابق غزہ میں اسرائیل کی جانب سے حملوں میں جان بوجھ کر اضافہ کرنے کا مقصد ثالثوں کے ساتھ طے پانے والی مفاہمتوں میں رکاوٹ ڈالنا ہے تاکہ جنگ بندی معاہدے پر عمل درآمد مکمل نہ ہو سکے۔
حماس نے ثالثین سے مطالبہ کیا ہے کہ اسرائیل پر دباؤ ڈالنے کے لیے فوری اقدامات کریں تاکہ اس کے جرائم کو روکا جا سکے۔
واضح رہے کہ گزشتہ روز ہونے والے اسرائیلی حملوں میں 19 فلسطینی شہید ہوئے ہیں۔