ولادیمیر پیوٹن اور ڈونلڈ ٹرمپ کی ممکنہ ملاقات کا فیصلہ نہیں ہوا: کریملن

کریملن کا کہنا ہے کہ روسی صدر ولادیمیر پیوٹن کی امریکی صدر ڈونلڈ ٹرمپ سے ممکنہ ملاقات کا ابھی فیصلہ نہیں ہوا۔

کریملن نے تازہ بیان میں کہا ہے کہ روس امریکی دعوت نامے کی قدر کرتا ہے تاہم ملاقات کے حوالے سے فی الحال کوئی حتمی فیصلہ نہیں کیا گیا۔

کریملن کے مطابق روس یوکرین تنازع میں عارضی جنگ بندی کے بجائے مستقل امن معاہدہ چاہتا ہے۔

غیر ملکی خبر ایجنسی کے مطابق امریکا نے روسی صدر پیوٹن کو میامی میں ہونے والے جی 20 اجلاس میں شرکت کی دعوت دی ہے۔

امریکی وزیرِ خارجہ مارکو روبیو کا کہنا ہے کہ دسمبر میں جی 20 اجلاس کے موقع پر ٹرمپ اور پیوٹن کی ملاقات ہو سکتی ہے۔