غزہ میں اسرائیلی ڈرون حملہ، 1 فلسطینی شہید، بچوں سمیت متعدد زخمی

غزہ کے مغرب میں واقع النصر میں اسرائیلی ڈرون حملے کے نتیجے میں 1 فلسطینی شہید اور بچوں سمیت متعدد افراد زخمی ہو گئے۔

عرب میڈیا کے مطابق اسرائیلی ڈرون نے ایک رہائشی اپارٹمنٹ کو نشانہ بنایا۔

الشفاء اسپتال کے ذرائع نے حملے میں 1 فلسطینی کی شہادت اور متعدد افراد کے زخمی ہونے کی تصدیق کی ہے۔

حملے کے بعد سامنے آنے والی فوٹیج میں طبی امدادی کارکنوں کو شدید زخمی بچوں کا علاج کرتے دیکھا گیا ہے۔