چین نے ایران جنگ بندی میں توسیع پر ردعمل دیتے ہوئے کہا ہے کہ سفارت کاری کے ذریعے تنازعات کو حل کرنے میں فریقین کی حمایت کرتے ہیں۔
ترجمان چینی وزارتِ خارجہ کا کہنا ہے کہ جنگ اور امن کے درمیان موجودہ علاقائی صورتِ حال نازک مرحلے پر ہے۔
ترجمان نے کہا ہے کہ جارحیت کو دوبارہ شروع ہونے سے روکنے کی کوشش سب سے بڑی ترجیح ہے۔
واضح رہے کہ امریکی صدر ڈونلڈ ٹرمپ نے اعلان کیا تھا کہ وہ ایران کے ساتھ جنگ بندی کو غیر معینہ مدت تک بڑھا رہے ہیں تاکہ امن مذاکرات کے لیے مزید وقت فراہم کیا جا سکے۔
دوسری جانب تہران نے ڈائیلاگ کے لیے امریکی شرائط کو مسترد کرتے ہوئے کہا ہے کہ ٹرمپ نے یکطرفہ طور پر خود ہی سیز فائر میں توسیع کی ہے۔
2 ہفتے قبل شروع ہونے والی جنگ بندی میں حالیہ توسیع سے متعلق ٹرمپ کا یہ اعلان بظاہر یک طرفہ تھا اور فوری طور پر یہ واضح نہیں ہو سکا کہ آیا ایران یا امریکا کے اتحادی اسرائیل بھی اس توسیع پر متفق ہوں گے یا نہیں۔
