بالی ووڈ کی بیبو کرینہ کپور نے اپنے شوہر سے اسکرپٹ سے متعلق ہونے والی دلچسپ نوک جھونک کے بارے میں کہا ہے کہ جب مجھے کوئی اسکرپٹ پسند نہیں آتا تو سیف اسے بہترین قرار دے دیتے ہیں۔
بالی ووڈ کی اسٹار جوڑی کرینہ کپور خان اور سیف علی خان اپنی بہترین اداکاری کے ساتھ ساتھ اپنے منفرد فلمی انتخاب کے لیے بھی جانے جاتے ہیں۔ حال ہی میں ایک انٹرویو کے دوران کرینہ نے انکشاف کیا کہ دونوں کے درمیان اسکرپٹس کو لے کر اکثر مختلف آرائیں ہوتی ہیں۔
کرینہ کپور نے بتایا کہ کئی بار جب وہ کسی فلم کے اسکرپٹ کو مسترد کرتی ہیں یا اس میں خامیاں نکالتی ہیں، تو سیف کو وہی کہانی بہت پسند آ جاتی ہے اور وہ اس میں کام کرنے کے لیے تیار ہوجاتے ہیں۔
اداکارہ نے مسکراتے ہوئے کہا کہ جب میں کسی اسکرپٹ پر تنقیدی رائے دیتی ہوں تو سیف کہتے ہیں کہ میں بہت زیادہ سخت گیر اور محتاط سوچ رکھتی ہوں، اور میں ان کے مشورے کو مذاق میں ٹال دیتے ہیں۔
کرینہ کپور کا کہنا تھا کہ دونوں کا سنیما کو دیکھنے اور کہانیوں کے انتخاب کا طریقہ بالکل مختلف ہے، جہاں وہ زیادہ کمرشل اور عوامی کہانیوں کو ترجیح دیتی ہیں جبکہ سیف تجرباتی اور منفرد کرداروں کی طرف زیادہ مائل ہوتے ہیں۔