ظلم اب برداشت سے باہر ہو گیا، خاموش نہیں رہ سکتے، حافظ نعیم الرحمان

امیر جماعت اسلامی پاکستان حافظ نعیم الرحمان نے کہا ہے کہ ظلم اب برداشت سے باہر ہو گیا، خاموش نہیں رہ سکتے۔ 

کراچی میں تاجر کنونشن سے خطاب کرتے ہوئے حافظ نعیم الرحمان نے کہا کہ وزراء کہتے ہیں ٹیکسوں کیلئے آئی ایم ایف کے ہاتھوں مجبور ہیں۔ 

انھوں نے کہا کہ آئی ایم ایف کی دلدل سے نکلنے کا متبادل موجود ہے۔ سرکاری حکام 1300سی سی کی گاڑیاں چلائیں تو اربوں روپے کی بچت ہو گی۔

حافظ نعیم الرحمان نے کہا وزیروں اور افسران کیلئے مفت بجلی پیٹرول ختم کیوں نہیں کیا جاتا، حکومت پیٹرولیم کا خرچ کم کرنے کی کوشش نہیں کر رہی۔

انھوں نے کہا کہ آئی پی پیز کو جماعت اسلامی نے بے نقاب کیا، کامیاب دھرنے دے کر فی یونٹ 16 روپے تک کم کیا۔ آئی پی پیز کا پیچھا نہیں چھوڑا ہے، بجلی کے بل آدھے کروائیں گے۔