ابھرتی ہوئی اسٹار اداکارہ رشمیکا مندانا نے اپنے کام پر واپسی کا اعلان کردیا۔
معروف اداکارہ رشمیکا مندانا نے سوشل میڈیا پر اپنے مداحوں کے ساتھ اپنی صحت سے متعلق معلومات شیئر کی ہیں، جہاں انہوں نے چوٹ کے بعد مکمل آرام اور صحتیابی کے سفر پر روشنی ڈالی۔
رشمیکا کو کچھ عرصہ قبل کولہے پر چوٹ آئی تھی جس کے بعد ڈاکٹروں نے انہیں مکمل آرام کا مشورہ دیا تھا، تاہم اب وہ مکمل صحتیاب ہو چکی ہیں۔
اداکارہ نے بتایا کہ وہ بہت جلد اپنے زیر التوا فلمی پروجیکٹس کی شوٹنگ کے لیے دوبارہ سیٹ پر پہنچ رہی ہیں اور کیمرے کے سامنے آنے کے لیے بےحد پُرجوش ہیں۔
انہوں نے جذباتی نوٹ میں لکھا کہ جہاں وہ کام پر واپس جانے کے لیے پرجوش ہیں، وہیں گھر پر ملنے والے آرام، سکون اور اپنوں کے ساتھ بتائے وقت کو بے حد یاد کریں گی۔