وائس چیئرمین پاکستان بار کونسل نے کہا ہے کہ جمہوری ادارے میں اقلیت اپنا موقف اکثریت پر مسلط نہیں کرسکتی۔
اسلام آباد سے جاری بیان میں وائس چیئرمین نے کہا کہ کونسل کے 23 میں سے صرف 8 ارکان کا بیان انفرادی خیال ہے، یہ اجتماعی موقف نہیں۔
انہوں نے کہا کہ جمہوری ادارے میں اقلیت اپنا مؤقف اکثریت پر مسلط نہیں کر سکتی، پاکستان بار کونسل کو سیاسی مفادات اور ذاتی ایجنڈوں سے بالا رہنا چاہیے۔
وائس چیئرمین نے مزید کہا کہ اعلیٰ عدلیہ اور بار کے پلیٹ فارمز سیاسی مقاصد کے لیے استعمال نہیں ہونے چاہئیں، پاکستان بار کونسل 8 ارکان کے بیانات کی مذمت اور لاتعلقی کرتی ہے۔
اُن کا کہنا تھا کہ لاہور ہائی کورٹ بار کابیان بھی قابل مذمت ہے، بیانات بار کونسل کے اجتماعی مؤقف کی نمائندگی نہیں کرتے۔