امریکی صدر ڈونلڈ ٹرمپ نے بچوں کے حفاظتی ٹیکے 11 تک محدود کرنے کے حکم نامے پر دستخط کر دیے۔
وائٹ ہاؤس میں دستخط کی تقریب کے دوران صدر ٹرمپ کا کہنا ہے کہ امریکی انتظامیہ بچوں کے لیے فوری طور پر صرف 11 بنیادی ویکسینز کو گولڈ اسٹینڈرڈ تسلیم کر رہی ہے، جو انتہائی سنگین بیماریوں سے تحفظ فراہم کرتی ہیں۔
حکم نامے میں خسرہ، ممپس اور ایم ایم آر کی مشترکہ ویکسین کو 3 الگ الگ ویکسینز میں تقسیم کرنے اور مختلف اوقات میں لگانے کی بھی سفارش کی گئی ہے۔
ڈونلڈ ٹرمپ کا کہنا ہے کہ اس اقدام سے امریکی بچوں کو گولڈ اسٹینڈرز تحفظ ملے گا۔
غیر ملکی خبر رساں ادارے کے مطابق طبی تنظیموں اور ڈاکٹرز نے نئے امریکی حکم نامے پر تنقید کرتے ہوئے کہا ہے کہ ویکسین شیڈول میں تبدیلی سے متعلق کوئی نئی سائنسی تحقیق سامنے نہیں آئی۔
ڈاکٹرز کا کہنا ہے کہ کم ویکسین کی سفارش سے بچوں کو ایسی بیماروں کے خطرے کا زیادہ سامنا ہو گا جن سے بچاؤ ممکن ہے۔