ٹرمپ کا ایران سے ہرجانہ طلب کرنے کا اعلان

امریکی صدر ڈونلڈ ٹرمپ نے ایران سے ہرجانہ طلب کرنے کا اعلان کردیا۔

ایک بیان میں ٹرمپ نے کہا کہ وہ ایران سے ہرجانہ طلب کریں گے، وہ یہ ہرجانہ ایرانی مطالبے کے جواب میں طلب کریں گے۔

اس سے قبل ایران نے کہا تھا کہ امریکا کئی ماہ تک جاری رہنے والی جنگ کے نقصانات کا ازالہ کرے۔

ٹرمپ نے جواب دیا کہ ایران نے ابھی تک تو کسی مذاکرات یا ملاقات میں یہ بات نہیں کی، اب وہ اچانک ہرجانے کا مطالبہ کر رہا ہے۔

امریکی صدر نے مزید کہا کہ وہ ایران سے اُن تمام لوگوں کے لیے ہرجانے کا مطالبہ کر رہے ہیں، جنہیں ایران نے سڑک کنارے نصب بموں اور متعدد تنازعات کے ذریعے ہلاک یا زخمی کیا۔

انہوں نے یہ بھی کہا کہ وہ امریکی بحری جہاز یو ایس ایس کول پر ہلاک ہونے والوں کے اہل خانہ کے لیے بھی ہرجانے کا مطالبہ کر رہے ہیں۔

ٹرمپ نے کہا کہ ایران کو پچھلے 50 برسوں کے دوران وہاں ہلاک ہونے والے مظاہرین کے اہل خانہ اور گزشتہ 5 ماہ میں ہلاک ہونے والے 52 ہزار افراد کو بھی ہرجانہ ادا کرنا چاہیے۔

امریکی صدر نے کہا کہ ٹرمپ نے بتایا کہ انہوں نے امریکی مذاکرات کاروں کو اس بارے میں ہدایت دے دی ہیں۔