پاکستان وائٹ بال ٹیم کے ہیڈ کوچ مائیک ہیسن نیشنل چیمپئنز کپ کے سلسلے میں ملتان پہنچ گئے۔
مائیک ہیسن نے چاروں ٹیموں کے کوچنگ اسٹاف کے ساتھ میٹنگ کی، جس میں چاروں ٹیموں کے ہیڈ کوچز مصباح الحق، اعجاز جونیئر، اقبال امام اور اعزاز چیمہ نے شرکت کی۔
میٹنگ میں پاکستان کے بولنگ کوچ ایشلے نوفکے اور این سی اے کوچ ایجوکیشن ہیڈ شاہد اسلم بھی شریک ہوئے۔
اس موقع پر چیمپئنز کپ کے دوران کھلاڑیوں کی ون ڈے کرکٹ اسکلز میں بہتری اور دیگر امور پر تبادلہ خیال کیا گیا۔
نیشنل چیمپئنز کپ اگلے سال جنوبی افریقہ میں ہونے والے ورلڈ کپ کی تیاریوں کی پہلی کڑی ہے۔
11 اگست کو نیشنل چیمپئنز کپ کے ساتھ ڈومیسٹک کرکٹ کے 2026-27 سیزن کا باقاعدہ آغاز بھی ہوگا۔