بھارتی شہر بنگلورو کے ایک فلیٹ سے 52 سالہ خاتون دکشائنی کا ڈھانچہ برآمد ہوا ہے۔
بھارتی میڈیا کے مطابق خاتون کی موت تقریباً 1 سال قبل ہوئی تھی اور اس دوران فلیٹ میں موجود لاش کی کسی کو بھی خبر نہ ہوئی۔
پولیس کا کہنا ہے کہ دکشائنی مبینہ طور پر اکیلی رہتی تھیں، پولیس کو شبہ ہے کہ شوہر اور بیٹے کی موت کے بعد خاتون ذہنی دباؤ کا شکار تھیں۔
دکشائنی کے شوہر امیش کا تقریباً 10 سال قبل انتقال ہوا تھا جبکہ بعد میں ان کا بیٹا بھی کینسر کے باعث چل بسا تھا۔
پولیس کے مطابق دکشائنی کی بیٹی اور داماد بھی تقریباً 1 سال کے دوران دکشائنی کے گھر نہیں آئے اور نہ ہی انہوں نے رابطے کی کوشش کی۔
بھارتی میڈیا کے مطابق پولیس نے گھر پہنچ کر جائے وقوع کا معائنہ کیا اور واقعے کی تحقیقات شروع کر دی ہیں۔
بھارتی میڈیا کے مطابق پولیس خاتون کی موت کی اصل وجہ اور حالات کا تعین کرنے کی کوشش کر رہی ہے۔
