پیٹرولیم مصنوعات کی نئی قیمتوں کا اعلان کردیا گیا، پیٹرول اور ڈیزل مسلسل دوسرے روز سستا ہوگیا۔
آئل اینڈ گیس ریگولیٹری اتھارٹی (اوگرا) نے 10 اگست تک پیٹرول اور ڈیزل کی نئی قیمتوں کا نوٹیفکیشن جاری کردیا۔
نوٹیفکیشن کے مطابق پیٹرول 2 روپے 20 پیسے فی لیٹر جبکہ ڈیزل کی قیمت میں 1 روپیہ 50 پیسے کمی کی گئی ہے۔
اس کمی کے بعد پیٹرول کی نئی قیمت 327 روپے 62 پیسے فی لیٹر جبکہ ڈیزل کی نئی قیمت 380 روپے 86 پیسے فی لیٹر مقرر ہوگئی۔
اوگرا نوٹیفکشن کے مطابق مٹی کا تیل 1 روپے 50 پیسے فی لیٹر سستا کردیا گیا، نئی قیمت 289 روپے 95 پیسے فی لیٹر ہوگئی ہے۔
نوٹیفکیشن کے مطابق نئی قیمتوں کا اطلاق رات 12 بجے کے بعد ہوگا۔