ویمنز ایشیا کپ کے شیڈول کا اعلان، پاکستان اور بھارت ایک گروپ میں شامل

اے سی سی ویمنز ایشیا کپ کے شیڈول کا اعلان کردیا گیا ہے، پاکستان ٹیم گروپ اے میں بھارت کے ساتھ موجود ہے۔ 

ایشین کرکٹ کونسل (اے سی سی) نے ویمنز ایشیا کپ 2026 کے شیڈول کا اعلان کردیا، ایونٹ 28 اگست سے 13 ستمبر تک دبئی میں کھیلا جائے گا۔

اے سی سی کے مطابق گروپ اے میں پاکستان، بھارت، تھائی لینڈ اور ہانگ کانگ چائنا شامل ہیں جبکہ گروپ بی میں سری لنکا، بنگلادیش، یو اے ای اور انڈونیشیا شامل ہیں۔ 

ایونٹ میں گروپ اسٹیج کے دوران پاکستان اور بھارت کے درمیان میچ 5 ستمبر کو کھیلا جائے گا۔ ایشیاء کپ کے سیمی فائنلز 10 اور 11 ستمبر جبکہ فائنل 13 ستمبر کو کھیلا جائے گا۔