ناروے میں بیٹر فیوچر پاکستان کے کیمپ سے 15 سال کا فٹبال کا کھلاڑی لاپتہ ہو گیا۔
بیٹر فیوچر پاکستان کی جانب سے بتایا گیا ہے کہ کھلاڑی نے بیٹر فیوچر پاکستان کی انتظامیہ سے اجازت نہیں لی اور تاحال اس کا سراغ نہیں مل سکا ہے۔
اس حوالے سے بتایا گیا ہے کہ ابتدائی تحقیقات کے مطابق کھلاڑی نے اپنی مرضی سے کیمپ چھوڑا، اس معاملے میں زبردستی یا اغوا کا کوئی شبہ نہیں۔
ناروے کپ 25 جولائی تا یکم اگست اوسلو میں کھیلا گیا تھا۔
واضح رہے کہ باقی تمام پاکستانی کھلاڑی وطن واپس پہنچ چکے ہیں۔