پاکستانی کھلاڑی ناصر اقبال نے شاندار کارکردگی کا مظاہرہ کرتے ہوئے پی این فلیٹ کلب اوپن انٹرنیشنل اسکواش چیمپئن شپ کے فائنل میں کھیلنے کا اعزاز حاصل کرلیاجبکہ دوسرے پاکستانی کھلاڑی عاصم خان مصری کھلاڑی سملان خلیل سے شکست کے بعد ایونٹ سے آؤٹ ہوگئے۔
ٹورنامنٹ کا فائنل منگل کو کھیلا جائے گا۔
سندھ اسکواش ایسوسی کے زیر اہتمام پاکستان نیوی روشن خان جہانگیر خان اسکواش کمپلیکس میں کھیلی جانے والی انٹرنیشنل چیمپئن شپ کے سیمی فائنل میں ناصر اقبال نے مصری کھلاڑی یاسی الشافے کے خلاف شاندار کارکردگی کا مظاہرہ کیا صرف چوبیس منٹ کے کھیل میں انہیں زیر کیا۔
ناصر اقبال کی جیت کا اسکور 5-11، 7-11 اور 5-11 رہا۔
اس سے قبل مصر کے سلمان خلیل پاکستان کے عاصم خان کو ایک کے مقابلے میں تین گیم سےشکست دیکر ٹورنامنٹ کے فائنل میں پہنچ گئے ہیں۔
اکتالیس ہزار ڈالر انعامی رقم کے ایونٹ کا فائنل منگل کو شام چار بجے کھیلا جائے گا۔
