پاکستان میڈیکل اینڈ ڈینٹل کونسل (پی ایم ڈی سی) نے افغانستان میں زیرِ تعلیم پاکستانی طلبہ کے لیے ایڈوائزری جاری کر دی۔
پی ایم ڈی سی کی جانب سے کہا گیا ہے کہ افغانستان سے فارغ التحصیل میڈیکل گریجویٹس پاکستان میں پریکٹس کے اہل نہیں ہوں گے، افغانستان کے میڈیکل اور ڈینٹل گریجویٹس پی ایم ڈی سی سے رجسٹریشن حاصل نہیں کر سکیں گے۔
ایڈوائزری کے مطابق افغان میڈیکل ادارے ایجوکیشن کمیشن آف فارن میڈیکل گریجویٹس کی تسلیم شدہ فہرست میں شامل نہیں، افغانستان سے فارغ التحصیل طلبہ پاکستانی نیشنل رجسٹریشن امتحان میں شرکت نہیں کر سکیں گے۔
پی ایم ڈی سی کا کہنا ہے کہ افغانستان کے اداروں میں داخلہ لینے سے قبل طلبہ ای سی ایف ایم جی کی منظوری لازمی چیک کریں۔