پاکستانی شوبز انڈسٹری کی معروف اداکارہ عروہ حسین ایک بار پھر اپنے لباس کی وجہ سے سوشل میڈیا پر خصوصی توجہ کا مرکز بن گئیں۔
عروہ حسین نے حال ہی میں ساتھی اداکار احسن خان کے ساتھ ایک تقریب میں شرکت کی۔
انہوں نے اس تقریب میں شرکت کے لیے مغربی طرز کے لباس کا انتخاب کیا۔
اداکارہ سفید رنگ کی شرٹ کے ساتھ سیاہ رنگ کا باڈی کون اور ٹائی پہنے نظر آئیں اور وہ اس لباس میں خوبصورت لگ رہی تھیں۔
انہوں نے فوٹو اینڈ ویڈیو شیئرنگ ایپ انسٹاگرام پر اس تقریب کی اپنی کچھ تصاویر اور ویڈیوز شیئر کی ہیں۔
عروہ حسین کی جانب سے شیئر کی گئی یہ تصاویر اور ویڈیوز جلد ہی سوشل میڈیا پر وائرل ہو گئیں۔
سوشل میڈیا صارفین کی جانب سے ان تصاویر کو بہت پسند کیا جا رہا ہے اور دلچسپ تبصرے بھی کیے جا رہے ہیں۔
کچھ صارفین اداکارہ کی خوبصورتی کی تعریفیں کرتے نظر آ رہے ہیں جبکہ کچھ ان کے اس ماڈرن لک کا موازنہ حال ہی میں نشر ہونے والے ڈرامے میں ان کے کردار سے کرتے نظر آ رہے ہیں۔
واضح رہے کہ عروہ حسین طویل عرصے بعد ٹی وی اسکرین پر واپس آئی ہیں اور وہ آج کل نجی ٹی وی پر نشر ہونے والے ڈرامہ سیریل ’آپ کی عزت‘ میں اپنی شاندار اداکاری کے جوہر دکھاتی نظر آ رہی ہیں۔