خیبرپختونخوا میں گزشتہ 2 ماہ کے دوران سیکیورٹی فورسز نے انٹیلیجنس بیسڈ کارروائیوں میں متعدد دہشت گردوں کو ہلاک کردیا۔
سیکیورٹی ذرائع کے مطابق آپریشن11گرج کے دوران متعدد خوارج کو ہلاک اور ان کے ٹھکانے بھی تباہ کیے گئے۔
اس دوران سیکیورٹی فورسز نے سہولت کاروں کو بھی پکڑا اور اسلحہ و گولہ بارود بھی برآمد کیا۔
سیکیورٹی ذرائع کے مطابق باجوڑ کے علاقے شاکرو میں سیکیورٹی فورسز نے خوارج کے ٹھکانوں کو نشانہ بنایا، باجوڑ آپریشنز کے دوران متعدد خوارج کے ہلاک اور زخمی ہونے کی اطلاعات ہیں۔
سیکیورٹی فورسز نے آپریشن کے دوران دیسی ساختہ بموں کو بھی تباہ کیا۔ ان کارروائیوں میں زمینی اور کواڈ کاپٹر استعمال کیے گئے۔