پاک بحریہ کے سربراہ ایڈمرل نوید اشرف سے جمعہ کو بیلاروس کے چیف آف جنرل اسٹاف اور اول نائب وزیر دفاع میجر جنرل پاویل موراویکو کی زیر قیادت ایک وفد نے نیول ہیڈ کوارٹرز اسلام آباد میں ملاقات کی۔
مسلح افواج کے شعبہ تعلقات عامہ آئی ایس پی آر کے مطابق چیف آف دی نیول اسٹاف نے معزز مہمان کا خیرمقدم کیا۔
آئی ایس پی آر کے مطابق ملاقات میں باہمی دلچسپی کے پیشہ ورانہ امور بالخصوص دفاعی تعاون پر تبادلہ خیال کیا گیا۔
آئی ایس پی آر کے مطابق پاک بحریہ کے سربراہ ایڈمرل نوید اشرف نے کہا کہ پاکستان بیلاروس کے ساتھ اپنے تعلقات کو قدر کی نگاہ سے دیکھتا ہے۔
انکا مزید کہنا تھا کہ پاکستان دونوں ممالک کے درمیان طویل المدتی اور کثیرالجہتی تعاون کو فروغ دینے کا خواہاں ہے۔
آئی ایس پی آر کے مطابق بیلاروس وفد کے سربراہ نے علاقائی سمندری سلامتی کے فروغ کیلیے پاک بحریہ کی کوششوں اور عزم کو سراہا۔
ملاقات میں دونوں جانب سے موجودہ دو طرفہ دفاعی تعلقات کے دائرہ کار کو مزید مضبوط اور متنوع بنانے پر اتفاق کیا۔
