عالمی منڈی میں خام تیل کی قیمتوں میں 2 ڈالرز سے زائد فی بیرل اضافہ ریکارڈ کیا گیا ہے۔
غیر ملکی خبر رساں ادارے رائٹرز کے مطابق امریکی خام تیل کے ذخائر میں کمی کے باعث قیمتوں میں اضافہ دیکھنے میں آیا ہے۔
رپورٹ کے مطابق گزشتہ روز واشنگٹن اور تہران کے درمیان کشیدگی میں عارضی کمی کے باعث تیل کی قیمتوں میں کمی آئی تھی، تاہم تازہ تجارتی سیشن میں قیمتیں دوبارہ بڑھ گئیں۔
برینٹ خام تیل کے فیوچر معاہدوں کی قیمت 2.71 ڈالرز، یعنی 3.2 فیصد اضافے کے بعد 86.80 ڈالرز فی بیرل تک پہنچ گئی۔
اسی طرح امریکی ویسٹ ٹیکساس انٹر میڈیٹ خام تیل کی قیمت 2.26 ڈالرز، یعنی 3.4 فیصد اضافے کے بعد 81.95 ڈالرز فی بیرل پر ٹریڈ کرتی رہی۔