18 کروڑ کی گاڑی دینے کے دعوے پر مومنہ اقبال نے ثاقب چدھڑ کی انکم ٹیکس ریٹرن کی جانچ پڑتال کیلئے درخواست دائر کردی۔
لاہور ہائیکورٹ میں اداکارہ مومنہ اقبال کی ثاقب چدھڑ کی انکم ٹیکس ریٹرن کی جانچ پڑتال کے لیے دائر درخواست پر سماعت ہوئی، عدالت نے چیف کمشنر ایف بی آر فیصل آباد کو درخواست پر فیصلہ کرنے کی ہدایت کردی۔
ہائیکورٹ کے جسٹس حسن نواز مخدوم نے مومنہ اقبال کی درخواست پر حکم جاری کیا۔
درخواست میں مؤقف اپنایا گیا کہ ایم پی اے ثاقب چدھڑ نے مومنہ اقبال کو 18 کروڑ کی گاڑی دینے کا دعویٰ کیا، ثاقب چدھڑ نے مومنہ اقبال کو کروڑوں روپے کی رقم دینے کا دعویٰ بھی کیا ہے۔
درخواست میں استدعا کی گئی تھی کہ عدالت چیف کمشنر فیصل آباد کو ثاقب چدھڑ کے ٹیکس ریٹرنز کی جانچ پڑتال کا حکم دے۔