پاکستان پہلی مرتبہ کبڈی سیمی فائنل تک رسائی سے محروم

ایشین گیمز میں پاکستان پہلی مرتبہ کبڈی سیمی فائنل تک رسائی سے محروم ہو گیا۔

پاکستان کو آخری گروپ میچ میں ایران نے 51-30 سے شکست دے دی۔

پاکستان ٹیم گروپ میں 4 میں سے 2 میچز ہی جیت سکی، پاکستان کو اس سے قبل تھائی لینڈ نے بھی شکست دی تھی۔

پاکستان ٹیم ایشین گیمز کبڈی میں سیمی فائنل کی دوڑ سے آؤٹ ہو گئی ہے۔

کبڈی 1990ء سے مستقل ایشین گیمز کا حصہ ہے، پاکستان ایشین گیمز کبڈی میں 6 برانز اور 2 سلور میڈل جیت چکا ہے۔

پاکستان نے 2014ء کے علاؤہ ہر ایونٹ میں کبڈی کا میڈل جیتا، 2014ء میں پاکستان نے چوتھی پوزیشن حاصل کی تھی۔

پہلی مرتبہ پاکستان ایشین گیمز کبڈی کے سیمی فائنل میں بھی جگہ نہ بنا سکا۔