بالی ووڈ کے صف اول کے اداکار اداکار گووندا اور ان کی متوقع فلم ’روپا‘ کی اداکارہ کومل رانی سورنکر کے مابین خفیہ تعلقات اور شادی کی افواہوں نے ایک بار پھر بھارتی شوبز انڈسٹری میں طوفان برپا کر دیا۔
ایک مذہبی رسم کے دوران گووندا کے ساتھ موجود نووارد اداکارہ کومل رانی کی مانگ میں سندور صاف دکھائی دے رہا تھا، جس کی ویڈیوز وائرل ہوتے ہی سوشل میڈیا پر دونوں کی خفیہ شادی کی قیاس آرائیاں شروع ہوگئیں۔
دونوں کے مابین افواہوں کا سلسلہ اگست میں ممبئی ایئرپورٹ پر ایک ساتھ دیکھے جانے سے شروع ہوا تھا، جس کے بعد گووندا کی اہلیہ نے ان کے تعلقات پر کھلم کھلا سوالات اٹھائے تھے۔
ان ویڈیوز کے سامنے آنے کے بعد گووندا کی اہلیہ سنیتا آہوجا نے میڈیا سے بات کرتے ہوئے کہا، ’انسانوں سے محبت کا کوئی فائدہ نہیں، وہ صرف دھوکہ دیتے ہیں۔ انسانوں سے بہتر جانور ہوتے ہیں جو ہمیشہ وفادار رہتے ہیں۔‘
اگرچہ سنیتا نے ماضی میں دونوں کی شادی کی منصوبہ بندی کا دعویٰ کیا تھا، تاہم گووندا کے منیجر نے دوسری شادی کی تمام خبروں اور دعوؤں کو یکسر مسترد کر دیا۔