ریلوے پولیس نے ٹرین میں بغیر ٹکٹ سفر کرنے والوں کے خلاف کریک ڈاؤن کا فیصلہ کر لیا ہے۔ اے آئی جی آپریشنز سید ابرار عباس نے تمام ایس پیز کو مراسلہ جاری کر دیا۔
اے آئی جی آپریشنز کے مراسلے کے مطابق پولیس اہلکار ٹرینوں کی چیکنگ کے دوران لائیو لوکیشن بھیجنے کے پابند ہوں گے۔
ڈی آئی جی نارتھ ریلوے پولیس کو روزانہ کی بنیاد پر رپورٹ پیش کی جائے گی، ٹرینوں کی چیکنگ ایس ایچ او اور ایڈیشنل ایس ایچ او کی سربراہی میں ہوگی اور اس کے لیے ریلوے پولیس اہلکار دو شفٹوں میں ڈیوٹی انجام دیں گے۔