ڈیفنس میں جھگڑا، ڈی آئی جی ساؤتھ نے فریقین کو طلب کرلیا

کراچی کے علاقے ڈیفنس خیابان بخاری میں جھگڑے کے معاملے پر ڈی آئی جی ساؤتھ اسد رضا نے فریقین کو دفتر طلب کرلیا۔

اسد رضا کے مطابق واقعے کی مکمل ویڈیو حاصل کی جارہی ہے، جھگڑے کے دونوں فریقوں کو کل اپنے دفتر طلب کیا ہے۔

اسد رضا کے مطابق جھگڑے کی ویڈیو کی فارنزک کروائی جائے گی۔

پولیس ذرائع کے مطابق ویڈیو میں موجود تمام اہلکاروں کا تعلق ضلع کورنگی سے ہے۔

ایس ایس پی کورنگی سے جھگڑے میں ملوث اہلکاروں کی تفصیلات طلب کرلی گئیں۔