اداکارہ کومل کے ساتھ تصاویر وائرل ہونے کے بعد اداکارہ گووندا کی اہلیہ سنیتا آہوجا نے سخت ردِ عمل کا اظہار کیا ہے۔
میڈیا سوالات کا جواب دیتے ہوئے سنیتا نے کہا کہ تم نے وہ کہاوت تو سنی ہوگی کہ بربادی کے وقت عقل ماری جاتی ہے۔ ان کی عقل بھی بالکل ختم ہوچکی ہے، اسی لیے وہ یہ سب کرتے پھر رہے ہیں، اب میں کیا ہی کہوں۔
سوشل میڈیا پر گووندا کو ’چیٹر نمبر ون‘ کہے جانے پر سنیتا نے کہا کہ جب وہ ان چیزوں کا ذکر کرتی تھیں تو لوگ انہیں ٹرول کرتے تھے، لیکن اب میڈیا اور گووندا کے مداح خود ان سے جواب مانگیں۔
اس تمام ہنگامے کے درمیان گووندا کے ایک حالیہ انٹرویو نے جلتی پر تیل کا کام کیا ہے، جہاں انہوں نے اپنے ماضی کے افیئرز کی طرف اشارہ کرتے ہوئے کہا، ’اگر آپ مٹھائی کی دکان کے اندر موجود ہوں اور پھر بھی بھوکے رہیں، تو یہ کتنی افسوسناک بات ہے۔‘
سوشل میڈیا صارفین کا ماننا ہے کہ گووندا نے اس جملے سے اہلیہ سنیتا کے تمام الزامات کا اعتراف کر لیا ہے۔
گووندا نے اپنی اہلیہ کے ذاتی زندگی کو عام کرنے پر ردِعمل دیتے ہوئے کہا کہ سنیتا پہلے تھوڑی تعریف کرتی ہیں اور پھر تنقید کر کے اپنی بات منوا لیتی ہیں، تاہم وہ اسے نفرت کے بجائے محبت کا انداز سمجھتے ہیں۔
واضح رہے کہ اس سے قبل سنیتا نے ایک رئیلٹی شو میں انکشاف کیا تھا کہ گووندا کے کیریئر میں متعدد افیئرز رہے ہیں جنہیں انہوں نے ہمیشہ برداشت کیا۔
