5
—فائل فوٹو
امریکا نے کولمبیا کے لیے 1 ارب ڈالرز کی امداد بھیجنے کا عندیہ دے دیا۔
امریکی محکمۂ خارجہ کا کہنا ہے کہ کولمبیا کے لیے کانگریس سے 1 ارب ڈالرز کی امداد کی منظوری لینے کا ارادہ ہے۔
محکمۂ خارجہ کے حکام نے کہا ہے کہ کولمبیا کے لیے امداد مشترکہ اہداف کے حصول کے لیے سیکیورٹی پیکیج کا حصہ ہو گی۔
امریکی محکمۂ خارجہ کے مطابق کولمبیا کو ٹرمپ انتظامیہ کی جانب سے تشکیل دیے گئے ’شیلڈ آف دی امریکنز‘ اتحاد میں بھی شامل کیا گیا ہے۔
واضح رہے کہ کولمبیا کے نئے صدر ابیلاردو ڈی لا ایسپریئیا نے گزشتہ روز اپنے عہدے کا حلف اٹھایا تھا۔
انہوں نے انتخابی مہم کے دوران ملک میں جرائم کے خلاف سخت کارروائی اور معیشت کی بحالی کے عزم کا اظہار کیا تھا۔
امریکی صدر ڈونلڈ ٹرمپ نے بھی صدارتی انتخابات کے دوران ان کی حمایت کی تھی۔
