پاکستان ٹیم نے دوسرے ٹیسٹ میچ میں ویسٹ انڈیز کو 8 وکٹوں سے ہراکر 2023 کے بعد پہلی مرتبہ اوے ٹیسٹ جیتنے میں کامیاب ہوگئی۔
کسی بھی حریف کو اسی کے میدان میں ٹیسٹ میچ میں شکست دینے کیلئے قومی ٹیم کو 8 میچز کا انتظار کرنا پڑا۔
پاکستان ٹیم نے آخری مرتبہ کولمبو میں سری لنکا کو جولائی 2023 میں کھیلے گئے سیریز کے آخری میچ میں اننگز اور 222 رنز سے شکست دی تھی۔
اس میچ کی خاص بات یہ ہے کہ اس میں بھی عبداللّٰہ شفیق نے 201 رنز بنا کر اپنے ٹیسٹ کیریئر کی سب سے لمبی اننگز کھیلی تھی اور میچ کے بہترین کھلاڑی بھی قرار پائے تھے۔
علاوہ ازیں سری لنکا کے خلاف میچ میں قومی ٹیم کی قیادت بابر اعظم کر رہے تھے جبکہ ویسٹ انڈیز کے خلاف میچ میں بھی بابر اعظم کپتان رہے۔
خیال رہے کہ اس سے قبل قومی ٹیم کو آسٹریلیا کے خلاف 3، جنوبی افریقہ اور بنگلادیش کے خلاف دو دو جبکہ رواں سیریز کے پہلے ٹیسٹ میں ویسٹ انڈیز کے ہاتھوں شکست کا سامنا کرنا پڑا تھا۔
